ဒီကြောင်လေးဟာ Hacker တွေရဲ့ အဖွဲဝင် တစ်ကောင်လည်း ဖြစ်နိုင်ပါတယ်။ သင့်ရဲ့အိမ် အပါအဝင် အခြားအနီးနား ပါတ်ဝန်းကျင်မှာရှိတဲ့ အိမ်များက password မခံထားတဲ့ (သို့) အားနည်းချက်ရှိတဲ့ Wi-Fi signal ကို လိုက်လံ ရှာဖွေနေတာပါ။
လုံခြုံရေးဆိုင်ရာ လေ့လာသုတေသန ပြုလုပ်သူ "Gene Bransfield" က အိမ်နီးနားချင်းတွေရဲ့ အားနည်းချက်ရှိတဲ့ Wi-Fi signal ကို ထောက်လှမ်းနိုင်တဲ့ ပျော်စရာကောင်းတဲ့ နည်းလမ်းတစ်ခုကို စဉ်းစားမိခဲ့ပါတယ်...
ချစ်စရာကောင်းတဲ့ သူ့ကြောင်လေး (Coco) ရဲ့ လည်ပင်းမှာ Wi-Fi card, GPS module, Battery, Spark Core chip တို့နဲ့ ပြုလုပ်ထားတဲ့ "WarKitten Collar" လို့ အမည်ပေးထားတဲ့ လည်ပါတ် ဒီဇိုင်းလှလှလေးကို ဝတ်ဆင်ပြီး ထောက်လှမ်းစေခဲ့ပါတယ်။
အဆိုပါ Device လေးက Wi-Fi signal ကို ရှာဖွေခြင်း၊ မှတ်သားခြင်းတို့အပြင် လုံခြုံရေးအားနည်းသော နည်းလမ်းအဟောင်း တစ်ခုဖြစ်တဲ့ WEP စနစ်ကို အသုံးပြုထားပါက အကာအကွယ်များကို အလွယ်တစ်ကူ ကျော်လွှားပြီး ဖွင့်နိုင်ပါတယ်။
"WarKitten Collar" ဟာ Hackers များ လုပ်လေ့လုပ်ထရှိတဲ့ အနီးနား ပါတ်ဝန်းကျင်တစ်လျှောက် ကားလျှောက်မောင်းပီး Wi-Fi signal ရှာတတ်တဲ့ "WarDriving" ရဲ့ အယူအဆအပေါ် အခြေခံထားတာဖြစ်ပါတယ်။
'Branfield' အနေနဲ့ အခုလို သုတေသန ပြုမှုကို သေသေချာချာကြီး မဟုတ်ပဲ အပြောင်အပျက် သဘောလောက်သာ စမ်းသပ်ခဲ့ပေမယ့် သူတွေ့ရှိခဲ့ရတာတွေကတော့ အံသြလောက်ပါတယ်လို့ အောက်ပါအတိုင်း ပြောဆိုပါတယ်..
"ကျွန်တော့်ကြောင်လေးကို အဲဒီ လည်ပါတ်လေးတပ်ပြီး အနီးပါတ်ဝန်းကျင်ကို လွှတ်ပေးလိုက်တယ်။ ကြောင်လေး ပြန်ရောက်လာတော့ ကျော်လွှားဖို့ လွယ်ကူတဲ့ WEP စနစ် သုံးနေတဲ့ hot spot တွေ 2014 ခုနှစ်ထဲမှာ အများကြီးရှိနေတာကို တွေ့လိုက်ရပါတယ်" တဲ့..
ကြောင်လေးတွေ ချစ်စရာကောင်းရင် မိုးမမြင်လေမမြင် ချစ်တတ်တဲ့ ကြောင်ချစ်သူများ လည်ပါတ်လှလှလေး ပတ်ထားတဲ့ ကြောင်လေးတွေ တွေ့ရင် သတိနဲ့ ချစ်ပါ...
အခမဲ့ဆိုတဲ့ အရာတိုင်းမှာ ခန့် မှန်းလို့  မရနိုင်တဲ့ တန်ဖိုးတစ်ခုတော့ အမြဲရှိနေပါတယ်....
ဤဆောင်းပါးလေးကနေ သင့်အတွက် တစ်ခုခု ရလိုက်တယ်ဆိုရင် အောက်မှာ "Like & Share" လုပ်နိုင်ပါတယ်
မိုးသိကြား ဘလော့ခ်အား Side bar တွင် "Donate" လုပ်ခြင်းဖြင့် မေတ္တာတုံပြန်နိုင်ပါသည်...
မိုးသိကြား
0 comments :
Post a Comment